Itsas Etxeak jasoko du larunbateko bertso jaialdia
Hasiera batean Santiago kalean egitekoa zen, baina eguraldi txarragatik Itsas Etxera lekualdatuko dute.
![](https://bidasoa.hitza.eus/site/files/2024/08/bertso-jaialdia.jpeg)
Larunbat honetan (hilak 31) Santiago kaleko Pisuzarra plazan egitekoa zen bertso jaialdia Itsas Etxera lekualdatuko dute eguraldi txarra dela eta. Hondarribiko Udaleko Euskara Zerbitzuak antolatzen duen saioa 20:00etan hasiko da. Protagonistak, lau bertsolariak, Eli Pagola, Nerea Elustondo, Xabar Galletebeitia eta Unai Iturriaga izango dira eta Egoitz Zelaiak egingo du gai jartzaile lana.