Udaz blaitzeko merkatua
'Hip, Hip, Uda' lelopean antolatu dute Hondarribiko Udako Merkatuaren bosgarren edizioa. Hogeita bi saltokik eta artisauk San Pedro kalean ezarriko dituzte beren postuak.
Tokiko merkataritza bultzatzeko asmoz Hondarribiko Udako Merkatuaren 5. edizioa antolatu dute Hondarribiko Udalak eta Bidasoa Bizirikek. Hilaren 17 eta 18an herriko artisauen eta saltokien produktuez beteko da San Pedro kalea. ‘Hip, hip, uda!’ lelopean udaz blaitzeko merkatua zabalduko dute.
Askotariko produktuak dituzten 22 saltoki eta artisauk hartuko dute parte aurtengo edizioan: Amuitz, AG caligrafía, Axalian, Banaka, Bale Urdina, Birakari, Canela, Ena, Garua, Ittoitta, Kapen, Lohiart keramika, La Loja, Maore Sagarzazu, Naiara Goikoetxea, Ongi Etorri, Paperki-art, Piki’s Nature, Polita, Retazos, Wear_Banzai (Judas Arrieta), 4eta2.
Postu horiez gain haurrentzako jarduerak, kale antzerkia, zuzeneko musika eta zozketak egongo dira ere. Egindako erosketa bakoitzean txartelak banatuko dituzte eta zozketak larunbatean 20:30ean eta igandean 19:30ean egingo dituzte. Guztira 50 euroko 30 opari bale zozketatuko dituzte merkatuan parte hartzen duten saltokietan gastatzeko.
Ordutegia honakoa izango da: larunbatean 11:00etatik 21:00etara eta igandean 11:00etatik 20:00etara. Eguraldi txarra egingo balu bertan behera geratuko litzateke.
Abuztuak 17, larunbata
11:00 – Merkatuaren irekiera
12:00 – ‘Kitsune maskara tailerra eta azeri dantza’ Judas Arrieta artistarekin. 6 urtetik gorako haurrentzat
13:00 – Bertako itsas produktuen dastaketa Done Pedro-rekin
17:00 – Itsas azpiko murala Lamiarri Tattoo-rekin. 6 urtetik gorako haurrentzat
18:00 – ‘Amparo eta Maitere’ kale antzerkia
20:30 – Sari eta oparien zozketa
21:00 – Merkatuaren itxiera
Abuztuak 18, igandea
11:00 – Merkatuaren irekiera
12:00 – ‘Sortu zure arrainontzia’ Axalian tailer kreatiboarekin. 6 urtetik gorako haurrentzat
12:00 – Reggae saioa Eira eta Beñaranks-ekin. %100 binilo aukeraketa eta zuzeneko ahotsa
13:00 – Bermutaren ordua Vermuka vermutarekin
17:00 – ‘Elatu frexkagarrien girlanda’ tailerra. 6 urtetik gorako haurrentzat
19:30 – Sari eta oparien zozketa
20:00 – Merkatuaren itxiera
