Bi lagun atxilotu dituzte arma zuriz erasotzeagatik
Larunbat iluntzean izan zen gertakaria. Bi erasotzaileak atxilotu zituzten, eta biktima ospitalera eraman.
Ertzaintza Larunbat, iluntzean, bi gazte atxilotu dituzte Udaltzaingoak eta Ertzaintzak beste pertsona bati hanka batean ebaki bat egin ostean. Biktima Bidasoko ospitalera eraman behar izan zuten, zauriak sendatzeko.
Bendatze konpresiboa egin zioten ertzainek biktimari, osasun langileak iritsi bitartean. Biktimarengana iritsi zirenean, baina, erasotzaileak ez zeuden eta ustezko erasotzaileen deskribapena lortu behar izan zuten. Ondoren, erasoa egin zutenen bila jarri eta handik gutxira topatu zituzten, gertaeren lekutik hurbil.
Ertzaintzak 20 eta 24 urteko bi gazteak atxilotu zituen, arma zuri batekin lesioak eragitea egotzita, eta, ondoren, polizia-etxera eraman zituzten, beharrezko izapideak egiteko. Behin amaituta, atxilotuak Irungo Guardiako Epaitegiaren esku utzi zituzten atzo.
