Udako kultur agenda: Txaranga Eguna, Girabira edota Euskal Jira
Irailera bitarte luzatuko den udako kultur agenda aurkeztu du udalak. Nabarmenen artean, Nestor Basterretxeak Irunen egindako ibilbide profesionalaren erakusketa topa daiteke.
Udaran ere Irunen erritmoak ez duela “etenik” adierazi du gaur Nuria Alzaga Kultura ordezkariak. Udako kultur agenda aurkeztu du, uztail, abuztu eta iraileko jarduera guztiekin zeinetan antzerkia, dantza, tailerrak, jaialdiak eta erakusketak programatu dituzten. Zabaltza plazan informazio hori guztia biltzen duen totem bat jarri dute, eta totemaren diseinuaz Sarah Grandes arduratu da, Dies Oiassonis jaialdiko kartelaz bezala.
Programazioa ontzeko, irundarrak izan dituztela gogoan azaldu du Alzagak, baina baita Irun bisitatuko dituztenak ere. Hiriko elkarte eta entitateekin elkarlanean prestatu dute kultur agenda eta haiei eskerrak eman dizkie udal ordezkariak.
Alzagak nabarmendu egin du Nestor Basterretxea artistaren ibilbideari buruzko erakusketa. Menchu Gal aretoan egongo da hilaren 23tik aurrera, eta Bermeoko artistaren jaiotzaren mendeurrenaren karietara antolatu dute. Zehazki, 1958tik 1971ra bitartean, Irunen bizi zeneko bere lana jasoko dute erakusketan: arte bisualak, zinema eta diseinua.
- Hilak 19: Elektroswing.
- 20:30ean, Junkal plazatxoan.
- Swingtronics.
- Hilak 20: Nino Bravo oroitzen.
- 22:00etan, San Juan plazan.
- Serafín Zubiri eta Irun Hiria Musika Banda.
- Hilak 25: Santiagoko polken kontzertua.
- 12:30ean, Santiago auzoan.
- Irun Hiria Musika Banda.
- Hilak 26: Jazz kontzertua, Jazzaldiarekin elkarlanean.
- 21:30ean, Junkal plazatxoan.
- Carole Alston.
- Hilak 30: Coral Funk.
- 22:00etan, Urdanibia plazan.
- Skola Musik eta IGA Abesbatza.
- Abuztuak 2: Burrunba Elektrotxarangaren kontzertua.
- 22:00etan, Urdanibia plazan.
- Abuztuak 3: Euskal Jira.
- 18:00etan, Mendelutik Urdanibia plazara
- 22:00etan, Urdanibia plazan, dantzaldia.
- Abuztuak 4: Euskal Jira, euskal kirolak.
- Ordua zehazteke. Urdanibia plazan.
- Abuztuak 9: Girabira: magia.
- 18:00etatik 22.00etara, Gain-Gainean parkean.
- Abuztuak 10: Bildumazaleen azoka.
- 18:00etatik 21.00etara, Zabaltza plazan
- Ordua zehazteke. Kontzertua: Suite Seda.
- Abuztuak 14: Remember taldearen kontzertua.
- 22:00etan, Zabaltza plazan.
- Abuztuak 16: Antzerkia, Furgonologo.
- 20:00etan, Nagore Laffage plazan.
- Abuztuak 17: Bidasoa Folk, Xabier Zeberio eta N’Faly Kouyate.
- 20:30etik 23:00etara.
- Abuztuak 30: Iron Modvm dantza ikuskizuna Iron Skulls taldearekin.
- 20:00etan, San Juan plazan.
- Irailak 1: Zirkua Girabiraren barruan.
- 17:30etik 20:30era, Alai Txoko parkean.
- Irailak 7: Hiriko zaindari Junkaleko Andre Mariaren omenezko kontzertua
- 20:00etan, Junkal plazatxoan.
- Irun Hiria Musika Banda.
- Irailak 13: Dantza Hirian: Riart eta Raquel Jara & Cris Marín
- 19:00etan, San Juan plazan
- Irailak 14: Txaranga Eguna: Los Trankilos, Peña Poteo, Gauerdi, Los Perolas eta Burrunba Elektrotxaranga
- 11:00etatik 21:00etara, hiriko kaleetan
- Irailak 22: Girabira: natura.
- 12:00etatik 16:00etara, Alai Txoko parkean.
