Jaietako aldaketa sozialak, Maggie Bullenekin eta Mertxe Trancherekin
Irungo Emakumeen Etxean hitzaldia eskainiko dute ostiral honetan, 18:00etan. Toki guztiak bete arte egongo da zabalik atea.
Euskal Herriko jaietako aldaketa sozial eta kulturalen inguruko elkarrizketak, ikuspegi feminista batetik hitzaldia eskainiko dute ostiral honetan (hilak 31a da) Irungo Emakumeen Etxean. Hizlariak, Maggie Bullen antropologo feminista eta Mertxe Tranche ikertzailea eta BAEko kidea izango dira.
Hitzaldi hau Irungo Udalaren eta Irungo Emakumeen Etxea elkartearen arteko kogestio hitzarmenaren esparruan antolatu dute. Hitzordua 18:00etan hasiko da eta 20:00etan bukatu. Bertaratzeko ez da aurretik izena eman behar eta ateak zabalik izango dira toki guztiak bete arte.
