Larunbat honetan hasiko da IX. Emakume Pala Txapelketa
Hiru jardunaldi izango ditu aurtengo txapelketak. Finala ekainaren 1ean izango da.
Larunbat honetan (hilak 18) emango diote hasiera Emeki Emakume elkarteak, Hondarribiko Udalaren eta Hondaribiko Pilota eskolaren laguntzarekin, antolatutako IX. Emakume Pala Txapelketari. Urtero bezala hiru egunetan jokatuko da txapelketa. Bigarren jardunaldia hilaren 25ean jokatuko da eta finala ekainaren 1ean izango da.
Lehen bi jardunaldiak 16:00etan hasi eta 19:00etan amaituko dira. Finala, berriz, 10:00etatik 13:00etara jokatuko da. Parte hartu nahi duen orok izena eman dezake hurrengo helbidera mezua bidalita.
