Alardearen gatazka non dagoen ikertuko dute Maggie Bullenek eta Parean elkarteak
Hilabete honetan zehar egingo dute prozesu parte hartzailea "interesa eta gogoa" dutenekin. Lau saio izango dira, bakoitza bi ordukoa.
Parean elkarteak gaur zabaldu du ikerketa bat abiatzeko asmoa, Maggie Bullen antropologoarekin batera. Prozesu parte hartzaile bat jarri nahi dute martxan, eta helburua alardearen gatazkaren norabidea zein den jakitea izango da. Horretarako, alardearen gatazka 1996an sortu zenetik gatazkak egindako bidea aztertuko dute, baita ere hura aitortu eta ikusi zein puntutan dagoen gatazka gaur egun.
Pareanek adierazi du “lasaitasunez eta konfiantzan” nahi dutela gaiaz aritu. Bi orduko iraupena duten lau hitzordu egingo dituzte, hilabete honetan zehar, egun eta ordutegi ezberdinetan. Hitzorduak, kontziliazioan pentsatuta prestatu nahi dituzte, kontziliazioa errazteko, alegia. Gonbidapena “interesa eta gogoa” duenen artean zabaltzeko eskaera egin dute, eta dagoeneko izena eman daiteke honako esteka honetan.
