Maskotak babesteko udal ordenantza idazten ari dira
Ordenantzari ekarpenak egiteko epea ireki dute eta maiatzaren 21era arte egongo da irekita.
Maskoten babesari, ongizateari eta jabetza arduratsuari buruzko udal ordenantza berria onartzeko espedientea martxan jarri du udalak. Asmoa, maskoten duintasuna aitortzea eta babestea da. Halaber, txakurrekiko jokabidea arautzeko tresna gisa baliatuko dute.
Udaltzaingoko eta Bizikidetzako ordezkari Sergio Javierrek gogorarazi duenez, “gero eta sentsibilizatuago” gaude animalien ongizatearekin, eta horrek animaliak “erabakitasunez babestera” behartzen dituela administrazio publikoak adierazi du.
Udalak martxan jarri berri duen prozesu honi ekinda, aurten animalien ongizateari buruzko ordenantza berri bat izatea dute helburu, hirian animalia bat izateak dakartzan eskubide eta betebehar guztiak arautzeko.
Dena den, ordenantza osatu aurretik, herritarrek parte hartzeko prozesu bat jarriko dute martxan, herritarrek beraiek eta gaian interesa duten entitate eta elkarteek iritzia emateko eta ordenantza aberasteko. Oinarrizko dokumentua udal webgunean ikus daiteke.
Ekarpenak egiteko epea maiatzaren 21era bitartean egongo da zabalik, eta hainbat bidetatik egin daiteke: www.irun.org orrialdeko egoitza elektronikotik, HAZ bulegoetatik edota 010 edo 943 50 51 52 telefonoan.
