550 opil zati banatuko ditu adinekoen artean Irungo Atsegina elkarteak
100. urtez adinekoen zentroetara eta eguneko zentroetara gerturatuko dira San Marko egunean.
Aurten ere etxetik ospatuko dute Opilaren Eguna irundarrek. Hilaren 25eko San Marko egunean 550 opil inguru banatuko ditu Irungo Atsegina elkarteak adinekoen zentroetan eta eguneko zentroetan. Irungo Atsegina ofizialki da Ama Xantalen zentroko amabitxia joan den mendetik.
Tradizio bat da elkartearentzat opil zatiak erretiro etxeetan banatzea eta 100 urte daramate horretan. “Gizarteak bere besotakoekin duen etengabeko konpromisoaren lekuko da”. Era horretan, elkarteak aurten beteko dituen 102. urteurreneko ospakizunekin hasiko dira. Orotara ehun adinekorengana gerturatuko dira, eta “komunitate harremanak” indartuko dituzte. “Bazkari honek urteetan zehar gizartea bultzatu duen elkartasun espirituaren aldeko omenaldi gisa balioko du”.
