Jaizubia Zaldiketa Eskolan entrenamendu lehiaketa egingo dute
Asteburuan izango dira saioak, eta Irungo klubeko zaldizkoak eta amazonak Anagan II. Kopako 2. faserako prestatzea dute helburu.
Asteburu honetan, apirilaren 6an eta 7an, alegia, Jaizubia Zaldiketa Eskolan entrenamendu lehiaketa bat jokatuko da, Irungo klubeko zaldizkoak eta amazonak Anagan II. Kopako 2. faseari aurre egiteko presta daitezen. Hain zuzen, 2. fasea 3 kategoriako lehiaketa izango da, eta apirilaren 13-14an izango da Zizur Hipika Klubean. Euskadiko Hipika Federazioak antolatutako Anagan Kopa 3* kategoriako jauzi autonomikoen lau lehiaketako zirkuitua da. Lehiaketa horiek urtarriletik ekainera bitartean jokatzen dira, lau kluben laguntzarekin, tartean, Jaizubia Zaldiketa Eskola.
Asteburu honetako entrenamendu lehiaketa Jaizubia Zaldiketa Eskolako pista handian izango da, 9:00etatik aurrera. Probak altuera txikienetik handienera egingo dira, 0,50metroko probatik hasita. Gero, 0,65m, 0,95m, 1,05m, 1,15m, eta 1,25m-ko probak izango dira. Asteburu osoan zehar ehun irteeran baino gehiago izango dira, eta Gipuzkoako, Nafarroako eta Iparraldeko zaldizko eta amazonek hartuko dute parte bi jardunaldietan.
