Talaia bidea lasterketan hondarribiar lepo
Emil Zatopek Previtek talde hondarribiarra izan zen jendetsuena 29 lasterkarirekin. Julen Fernandez eta Amaia Festa izan dira herritar azkarrenak.
Fortunak antolatzen duen Talaia bidea lasterketa egin zen atzo, eta etxera begira jarrita 66 hondarribiarrek hartu zuten parte. Talde jendetsuena ere herri berdetik atera zen eta Emil Zatopek Previtek ordezkatuta 29 partaidek egin zuten korri. Lasterketan, 500 korrikalari bildu ziren orotara.
Ibilbidea Donostiako Katalunia plazan hasi zen, Ulia mendia igaro, Pasai San Pedrotik Pasai Donibanera pasa, eta gero Jaizkibeldik Guadaluperaino joan, eta Gernikako Arbolan bukatu zuten.
Sailkapenari dagokionez, Hondarribiarren artean gizon azkarrena Julen Fernandez izan zen 2 ordu eta 31 minutuko denborarekin. Emakume azkarrena, berriz, Amaia Festa izan zen 3 ordu eta 19 minuturekin. Sailkapena osorik, lotura honetan ikus daiteke.
