Irungo ikastetxeek bat egin dute M8arekin
Udaleko Hezkidetza Mahaiak antolatuta, 'Berdintasuna eskutik eskura' izeneko bideoa sortu dute. Berdintasunaren lekukoa erakusten da ikastetxeetan barrena bidaiatzen, M8aren mezu nagusiaren berri emateko.
Irungo Udaleko Berdintasun arloak jakinarazi du hiriko ia ikastetxe guztiek bat egin dutela berdintasunaren aldeko Martxoaren 8ko ospakizunekin, Berdintasuna eskutik eskura izeneko bideo bat egiten lagunduta. Ikus entzunezko pieza horretan, berdintasunaren lekukoa erakusten da Irungo ikastetxeetan barrena bidaiatzen, M8aren mezu nagusiaren berri emateko: “Egunero behar luke Martxoaren 8a izan. Gora borroka feminista”.
Proiektua udaleko Hezkidetza Mahaiak antolatu du, eta eskola maila guztietako ikastetxeek, Berritzeguneak eta Berdintasun, Hezkuntza eta Gazteria arloetako zenbait teknikarik hartu dute parte prozesuan. Udaleko Hezkidetza Mahaia 2019an jarri zen martxan, “gizartea eredu berdinzale baterantz eraldatzen lagunduko zuten programak eta egitasmoak modu koordinatuan sustatzeko”.
Hauexek izan dira proiektuan parte hartu duten Irungo ikastetxeak:
- Belaskoenea HLHI.
- Bidasoa LHII.
- Dunboa HLHI.
- Eguzkitza HLHI.
- Eguzkitza BHI.
- Elatzeta HLHI.
- Hirubide BHI.
- Irungo La Salle.
- Lekaenea HLHI.
- Mendibil Formakuntza.
- Pio Baroja BHI.
- Plaiaundi LHII.
- San Vicente de Paul.
- Toki Alai BHI.
- Toki Alai HLHI.
- Txingudi BHI.
- Txingudi HLHI.
Hona hemen Hezkidetza Mahaiak sortutako bideoa:
