Asteburuan txukun aritu dira xakelariak
Asteburuan Euskadiko ligako eta Gipuzkoako ligako jardunaldiez gain, Gipuzkoako Banakako Jubenil Txapelketaren bigarren jardunaldia jokatu da ere.
Hondarribia Marlaxka B. Euskadiko ligan zein Gipuzkoako ligan emaitza onak lortu dituzte Marlaxkako Xakelariek.
Gipuzkoako ligen bigarren jardunaldia jokatu zen iragan larunbatean (hilak 20).
Euskal ligan aritu zen Hondarribia Marlaxka A taldea. Zornotzan jokatu zuten bertako taldearen aurka.Iker Tafall-ek debuta egin zuen goren mailan, eta lau orduren bueltako peartida baten ondoren berdinketa lortu zuen. “Debut ederra” esan dute taldeko kideek. A taldeak 2,5-1,5 punturengatik gadu bazuten ere sentsazioak “oso positiboekin” amaitu zuten jokalariek. Taldea German Herrerak, Ander Tafallek, Goio Uriartek eta Iker Tafall-ek osatu zuten.
Gipuzkoako ligan Hondarribia Marlaxka B taldeak Irungo Fiancheto 2019 taldea izan zuen aurkari. Hondarribiarrek 3,5-0,5 irabazi zuten. “Gure xake eskolako ikasleen beste emaitza bikaina”. Taldea Jurgi Diazek, Alvaro Minondok, Senen Bruñak eta Gorka Tafallek osat zuten. Elkartetik Diaz-en (2006) eta Tafall-en (2011) garaipenak goraipatu zituen, biak ala biak oso gazteak direlako.
Hondarribia Marlaxka C taldeak ere Irungo Fiancheto 2019 ren aurka aritu zen, kasu honetan, klub bereko C taldearen aurka. Marlaxkako xakelariak 1-3 gain hartu zieten irundarrei. Taldea Gontzal Jokin Lerak, Jon Diazek, Nora Lerak eta Fernando Garciak osatu zuten.
Azkenik, Hondarribia Marlaxka D taldeak etxean hartu zituen Gros M taldeko xakelariak. Lan txukuna egin ondoren berdinketa lortu zuten elkartearen helburua bete-betean betez: “Pausoz pauso ikasten eta hobetzen joatea” .
Gipuzkoako Banakako Jubenil Txapelketa
Hilaren 14an hasi eta otsailaren 18ra bitarte igandero jokatuko den txapelketan Aritz Tornay eta Jurgi Diaz dira Marlaxkako ordezkariak. Bigarren jardunaldian Diazek garaipena eskuratu zuen, Tornayk, berriz, galdu egin zuen. Sailkapen orokorrean bigarren eta hirugarren dira.
| Rk. | Izena | ||
| 1 | Gimenez Lopez, Zuhaitz | ||
| 2 | Tornay, Aritz | ||
| 3 | Diaz Etxaide, Jurgi |
