Gaueko argazkilaritza eta light painting-a ezagutzeko hitzaldia
Kabigorri Ateneoan izango da, hilaren 25ean. Dark Red Team-ek eskainiko du hitzaldia eta ondoren, erakustaldi txiki bat egingo dute.
Hilaren 25erako gaueko argazkilaritza eta light painging-ari buruzko hitzaldia antolatu dute. Dark Red Team-en eskutik, Kabigorri Ateneoan izango da solasaldia, 19:30ean.
Dark Red Team-ek mundu honetan egin duten ibilbideaz, nola hasi ziren, erabiltzen dituzten teknikez eta beste hainbat xehetasunez arituko dira. Ez da hitzei soilik loturiko saioa izango, esandakoa praktikan jarriko dute ere. Bertaratzen direnek teknika hori gauzatzeko oinarrizko tresnak erabiltzen ikasiko dute, baita argazki kamerak konfiguratzen ere.
Hitzaldiaren ondoren erakustaldi txiki bat egingo dute. Dark Red Team-ek “hain zaila ez dela” ikustarazi nahi du, “irudimen eta pazientzia pixka bat besterik ez da behar”.
