Korrika Eguna Katean egingo da hilaren 20an
Egun osoko egitaraua ondu dute katearrek: altxorraren bila, trikipoteoa, bertso bazkari musikatua, skate tailerra eta kantu jira.
Korrika iritsi bitarte geldirik egoteko asmorik ez dutela azaldu du AEK-k. Korrika kulturalari ekingo diote urtarrilean eta dagoeneko ekintza kulturalen daten berri eman dute. Bide horretan, Korrika Eguna ospatuko dute hilaren 20an Katean.
Egitaraua
- 12:00etan: Altxorraren bila Bikoneten eskutik. Frontoitik hasiko dira eta 10 eta 15 urte bitartekoentzat da.
- 12:45ean: Trikipoteoa Auntxarekin batera. Frontoitik hasiko dira eta auzoko tabernetan zehar mugitu.
- 14:00etan: Bertso bazkari musikatua Irunabarren eskutik Landetxa auzo elkartean. Tiketak 15 euroan daude salgai Hazia, Depor, Aranaztara, Otazpi, Nuevo eta Itzala ostatuetan. Xehetasun gehiago, hemen.
- 17:45ean: Skate tailerra Teknika surf eskolarekin. 6 urtetik gorakoentzat da eta frontoian egingo da. Bakoitzak bere kaskoa eraman behar duela jakinarazi dute eta izena emateko 747 425 434 zenbakira hots egin behar da.
- 19:30ean: Kantu jira egingo dute Elatzeta elkartearen ekimenez. Auzo elkartetik hasiko dira.
