Animalien aterpeko tratu txarrei buruz galdetu dio udalari Elkarrekin Irunek
Hitzarmena dauka Irungo Udalak aterpetxearekin eta ea bertan gertatzen zenaren jakitun zen eta zerbait egin zuten galdetu dute.
Joan den astean publiko egin zen Hondarribian dagoen animalia aterpetxe bateko bi arduradun ikertu dituela Ertzaintzak animalien kontrako tratu txarrengatik. Aterpetxeak zerbitzua eskaintzen die hainbat udali eta Elkarrekin-Podemosek azaldu duenez hitzarmen bat daukate Irungo Udalak aterpetxearekin.
Ikerketa eskualdeko elkarte animalista batek abiatu zuen urrian, Animalien Ongizateari buruzko lege berria medio, eta, geroago, ikerketari heldu zion Irungo Ertzain-etxeak, Ertzaintzako Ingurumenaren eta Hirigintzaren aurkako Delituen Atal Nagusiarekin eta “berehalako neurriak” hartu zituztela adierazi dute: “Artatutako katu guztiak birkokatu eta txakurretako bati mediku arreta pertsonalizatua eman”.
Udalak aterpetxearekin hitzarmena daukanez, Nuñok galdera bi erregistratu ditu jakiteko ea udalak ba al zekien zer gertatzen zen bertan eta ea jardun zuen ala ez.
Animalien ongizatea “urtetan landu duten gaia dela diote eta animalien ongizateari buruz udalean gaia atera duten aldiro erantzukizuna “udaletxetik kanpo desbideratzen zuen erantzun bat” izatea deitoratu dute; “eta, horrela gaur arte iritsi gara”.
Ordenantza bat galdegin duten animalien ongizatea zainduko duena eta gertatu berri den egoerari amaiera emateko balioko duena. “Ordenantza bat izateko aukera berriz ere pasatzen ez uztea espero dugu”.
