Komun berria instalatu dute Zabaltza plazan
Kabina batzuk ordezkatu ditu udalak, eta kendutakoak, hiriko beste lekuetara eraman dituzte, Santiagora, esaterako.
Komun publiko berria martxan dabil jada Zabaltza plazan. San Juan plaza inguruko obrengatik bertakoa “ordezteko” beharra ikusita, Zabaltza plazakoa ere berritzea erabaki zuten. “Lehen zeudenak egoera txarrean eta hondatu samar zeuden”.
Oraingo komun kabinak “handiagoak” dira eta “prestazio hobeak dituzte”. Irungo beste txoko batzuetan berri horien gisakoak jarri dira, hala nola, Palmera Monteron eta Belaskoeneko San Antonio de Padua parkean.
Kendutako azken bi kabinak udalarenak dira, eta San Juanen kendu zena, Santiagon dago orain, bidegorriaren inguruan, eta Zabaltza plazatik kendutako bigarren kabina hori beste leku batean jarriko dutela aurreratu dute. Era horretan, komun publiko gehiago egotea nahi dute hirian.
Guztira 17 kabina izango dira zerbitzua eskaintzeko prest Irunen; horietatik 4 udalarenak dira, eta gainerakoak, alokatuak, eta honako leku hauetan daudela zerrendatu du udalak:
1.-Zabaltza plazan.
2.-Urdanibia plazan, Sarjia parkearen barruan.
3.-Antzaran plazan.
4.-Santiagon. Skate Park-aren inguruan.
5.-Santiagon, bidegorri aldean.
6.- Jenaro Etxeandia plazan.
7.-Sorozarreta parkean. Burniola eta Julian Gayarre kaleen arteko bidegurutzean, parkearen berdegunearen barruan.
8.-Ibarlan, aparkaleku publikoaren ondoan, bide-hezkuntzako pistaren ondoan.
9.-Pio XII.aren plazan.
10.- Alai-Txoko parkean, Elizatxo hiribidearen eta Deskarga kalearen arteko bidegurutzean
11.-Behobian,merkataritza-gunetik gertu, elizaren atzean
12.-Katean, kirolgunetik gertu.
13.- San Migelen. Julián Sánchez Parkean
14.-Olaketan, Gain Gainean-en
15.-Belaskoenean, San Antonio de Padua parkean.
16.-Palmera-Monteron, Nagore Laffage parkean.
