Bidasoko greba feminista orokorrerako deialdiak
Goizean goiz hasiko dira greban piketeekin, eta eskualdeko manifestazioarekin bukatuko da, Hondarribitik Irunera.
Hilabetetako antolakuntzaren ondoren, Irun eta Hondarribiko mugimendu feministak argitaratu du ostegun honetako greba feminista orokorraren harira deitutako mobilizazioak.
Lehena, pasa den igandean izan zen, autokarabana egin baitzuten Hondarribiko Eroskitik abiatuta Irun osoan zehar.
Zaintza espazioa bermatuko dela jakinarazi du asanbladak, eta hori 08:00etatik 11:30era bitartean izango da. Horren beharra duenak telefonoz deitu beharko du 943 64 34 02 zenbakira edota mezu bat bidali helbide elektroniko honetara.
A30 Egitaraua
Goizean
- 06:00etan piketeak, Gabiria industrialdean (Irun).
- 08:00etatik 09:30era auto karabana, Irungo Stadium Galetik, Hondarribiko Eroski handiraino.
- 09:30ean gosari herrikoia Olagarro elkartean (Hondarribia).
- 11:00etan elkarretaratzea Martxoak 8 plazan (Hondarribia).
- 13:00etan elkarretaratzea Ama Xantalen adinekoen egoitza parean (Irun).
Eguerdian
- 14:00etan bazkari kolektibo herrikoia San Juan plazan. “Denok ekarri, denok jan”.
Arratsaldean
- 17:30ean eskualdeko manifestazioa hasiko da Hondarribiko Mendelu auzoko biribilgunean. Irunerantz joango dira eta San Juan plazan bukatuko da.
