Hatortxu Rockera joateko autobusa antolatu dute
Ernaik autobusa antolatu du, abenduaren 16an Atarrabian egingo duten musika festibal solidariora joateko. Txartelak eskuragarri daude.
Abenduaren 16an egingo dute, 28. aldiz, Hatortxu Rock, Atarrabian (Nafarroa). Elkartasuna eta musika nahasten dituen jaialdira joateko autobusa antolatu du Ernaik.
Errenteria-Oreretatik aterata (14:20an; Niessengo biribilgunean), Oiartzundik pasatu (14:25ean; elizako bus geltokian) eta Irunen egingo du hirugarren geldialdia (14:30ean; Bixeran). Bertatik joango dira Iruñerria aldera.
Autobuserako txartelak Hazia (Irun), Kastro (Oiartzun) eta Arkaitza (Errenteria-Orereta) tabernetan daude salgai, 18 euroren truke. Zerrendan izena eman beharko da.
Guztira, hamazazpi taldek egingo dute bat aurtengo Hatortxu Rock-ekin: Los Chikos del Maiz, Huntza, Tropa do Carallo, Dupla, Los Zopilotes Txirriaos, Auxili, Liher, Skabidean, Stay Homas, Streetwise, Burutik, Baizera!, Etxepe, Arkada Social, Ibil Bedi, Dj Reimy eta Dj Trapella.
