Migratzen zeudela Irunen hil zirenak oroitzeko memoriala
Hitzordua igande honetan da, azaroak 19, 12:00etan, skatepark-etik gertu dagoen hildako migranteen omenezko monolitoan.
![](https://bidasoa.hitza.eus/site/files/2023/11/img_20221026_104505_330-533x400-1.jpg)
“Etorkizun hobe baterako bidaian hildako pertsonen memoria” egiteko memoriala ondu dute Korapilatuz, Fivasco eta Eskubidedun migratzaileak elkarteek. Hitzordua igande honetan da, azaroak 19, 12:00etan, skatepark-etik gertu dagoen hildako migranteen omenezko monolitoan. “Hildakorik ez, eskubideak bai” aldarrikatuko dute.
Memorialaren egitaraua honako hau izango da:
- Borobilean bilduko dira monolitoaren bueltan.
- Bidasoa ibaian hildakoen izenak dituzten hilerriak erakutsiko dituzte.
- Txoria txori abestuko dute.
- Koranaren, Ebanjelioaren eta filosofiako idatzien irakurketak.
- Isilunea.
- Manifestuaren irakurketa.
- Amets Arzallusek bertsoa botako du.
- Borobilean, elkarri eskua emanda, “etorkizun berri bat eraikitzeko ahal dugun guztia egiteko konpromisoa” hartuko dute.