Alerta laranja ezarri dute haizete gaua aurreikusita
Gaueko 21:00eatik 00:00etara aurreikusi dute haize bolada handiak eta ondorioak saihesteko neurri batzuk zabaldu ditu Udaltzaingoak.
![](https://bidasoa.hitza.eus/site/files/2021/02/incidencias-viento.jpg)
Irungo Udalak jakinarazi du alerta laranja ezarri duela Eusko Jaurlaritzako Larrialdiei Aurre Egiteko eta Meteorologiako Zuzendaritzak gaur gauerako, 21:00eatik 00:00etara. Haizete gaua aurreikusi dute 120 km/h-ko abiadura har dezaketen haize-boladekin.
Ondorioei erantzuteko beharra balego, Udaltzaingoa udaleko gainontzeko sailekin koordinatua dagoela azaldu dute. Udal zerbitzuak prebentzio-neurri batzuk hartzen hasi dira eta datozen orduetan Babes Zibileko erreserbak aktibatuko dira beharrezkoa dela ikusten badute.
Horrez gain, Udaltzaingoak gomendio eta prebentzio-neurri batzuk helarazi ditu, haize boladek eragin ditzakeen ondorio negatiboak prebenitzeko edo arintzeko:
- Itxi ateak, eta finkatu leihoak eta olanak.
- Kendu loreontziak eta kalera eror daitezkeen gauza guztiak.
Kanpoan baldin bazaude:
- Behar-beharrezkoa ez bada, ez joan mendira adierazitako ordu horietan, eta, joan behar baduzu, babes-neurri egokiak hartu.
- Urrundu erlaitzetatik, hormetatik, zuhaitzetatik edo publizitate-hesietatik, eta kontu handiz ibili eraikitzen ari diren edo egoera txarrean dauden eraikinen aurrean bazaude.
- Aldamioak, garabiak eta obrako bestelako elementuak finkatu.
- Bidaiaren bat egingo baduzu:
- Ahal bada, ez egin errepideko joan-etorririk, eta, edonola ere, aurrez neurriak hartu.
- Informa zaitez joango zaren edo igaroko zaren aldeko meteorologia-baldintzei buruz.
- Itsasaldean bazaude:
- Urrundu zaitez haize gogorrek eragin ditzaketen olatuen eta mareen eragina jasan dezaketen lekuetatik.
- Ez erabili itsasontzirik, eta berrikusi horien amarrak. Ez egin uretako kirolik.