Ana Grasseten masterclassa, marrazketa eta pintura akademian
Masterclassa edonorentzat dago zabalik, hau da, ez da behar aurretiko ezagutza. Izena emateko epea azaroaren 7tik 15era izango da.
Ana Grasset artista madrildar-kantabriarrak masterclass bat eskainiko du Irungo udal marrazketa eta pintura akademian azaroaren 18an. Izena emateko epea azaroaren 7tik 15era luzatuko da eta egoitza elektronikoaren bidez egin beharko da.
Saioa goizeko 10:0e0tatik 14:00etara izango da eta bi zatitan bereizi dute. Batetik, margolariak bere obra erakutsi eta azalduko du; bestetik, parte hartzaileek lan praktikoa egingo dute, artista bertan dagoelarik. Prezioa 21,60 eurokoa da.
Masterclassa edonorentzat dago zabalik, hau da, ez da behar aurretiko ezagutza. Taldea osatzeko, gutxienez bost lagun elkartu behar dira, eta gehienez hamabost pertsonek hartuko dute parte. Partaideek beraiek eraman beharko dituzte akuarela papera, pintzelak eta pinturak.
Informazio gehiago eskuratzeko bi telefono zenbaki jarri dituzte eskura: 606 220 417 eta 695 75 29 94; eta mezu bat bidal daiteke ere korreo elektroniko honetara.
