Palestinari elkartasuna adieraziko diote, bihar, Irunen
Urriaren 7tik 6.500 palestinar hil ditu Israelgo estatuak eta su etena urrun ikusten da. Irundarrak bihar elkartuko dira elkartasuna adierazteko, 19:00etan, San Juan plazan.
Hamas Erresistentzia Islamikoko Mugimenduak Israel erasotu zuen urriaren 7an, eta estatu sionistak, ordutik, 6.500 palestinar hil ditu Gazako zerrendan. Hogei egun beteko dira bihar bonbardaketak hasi zirenetik eta Irunen bigarren elkarretaratze bat antolatu dute ordurako. Elkarretaratzea, bihar izango da, urriak 27, 19:00etan, San Juan plazan.
Su etena urrun ikusten da, eta, gainera, gaur Israelgo armadak sartu-irten bat egin du Gazan, lurrez, “inbasioa prestatzeko”. Biharko elkarretaratzeko deialdia egin dutenek diote Gazako sarraskiaren aurrean “ezinbestekoa” dela kalera ateratzea, “Palestinako herriarekiko elkartasunez”.
