Euskotrenek tren zerbitzua indartuko du ostiralean
Ostiral honetan HABEko azterketak egingo dira Ficoban, eta joan-etorriak errazteko helburuarekin, trenen zerbitzu erregularra indartuko da.
Ostiralean, hilak 6, HABEko azterketak egingo dira Ficoban, eta Euskotrenek tren zerbitzua indartuko du. Lasarte-Hendaia-Lasarte linean, Ficobarako joan-etorriak errazteko helburuarekin, trenen zerbitzu erregularra indartuko da.
Trenez joan behar duten pertsonei aldez aurretik ordutegiak kontsultatzea gomendatu die Euskotrenek. Ordutegiak APP ofizialean eta Euskotrenen webgunean kontsulta daitezke. Informazio gehiagorako, Euskotrenek 944 33 33 33 telefonoa ahalbidetu du. Horrez gain, erabiltzaileek informazioa jaso dezakete langileek zerbitzatutako geltokietan.
