Txingudi merkataritza gunerako sarbide bat moztuko dute, lanengatik
Suhiltzaileen egoitzaren ondoko biribilguneko sarbideetako bat da moztuko dutena, gaurko 22:00etatik ostiral goizera arte.
Gipuzkoako Foru Aldundiak jakinarazi du Txingudi merkataritza gunerako sarbideetako bat etengo dutela gaurko (asteazkena) 22:00etatik hilaren 22ko (ostirala) 06:00ak arte, sarbide horretan dauden zuloguneak betetzeko.
Zehazki, Donostiarako noranzkoan dagoen sarbidea da itxiko dutena, suhiltzaileen egoitza ondoko biribilgunetik Txingudirantz doan bide adarra (Gi-2134 eta Gi-636-10 bideen artekoa). Beraz, Gi-636-10-S irteeratik aurrera (AP-8 autobiderako eta Txingudirako sarbidea) osorik moztuko dute. Aldundiak jakinarazi du behar bezala seinaleztatuko duela ingurua, ibilgailuen gidariek argi izan dezaten zer egin.
