Red Comète erakundeak pilotu aliatuak omenduko ditu Bidasoan
Topaketa horiek hilaren 8tik 10era izango dira, eta Nicolas Guerendiain Irungo Errepublikarrak elkartea bertan izango da.
Argazkia: Red Comète. Red Comète Angelun (Lapurdi) errotuta dagoen elkartea da, eta urtero omenaldiak antolatzen ditu 1941 eta 1945 urteen artean jardun zuen izen bereko isilpeko erakundeari. Erakunde hark nazien lurraldean erortzen ziren pilotu aliatuak jasotzea zuen helburu, salbatu eta beren lurraldeetara eraman ahal izateko.
Aurten topaketak egingo dira Bidasoan, hilaren 8tik 10era, ostiraletik igandera. Nicolas Guerendiain Irungo Errepublikarrak elkarteak jakinarazi du bertan izango direla eta jardueren antolaketan murgilduko direla.
Informazio gehiagorako edo izena emateko, Irungo elkarteak Juan Carlos Jimenez de Aberasturiri mezu bat bidaltzeko aukera dagoela adierazi du, posta elektroniko bidez.
