Ostiralean hasiko dira Madalen auzoko jaiak
Txupinazoa eta koadroaren igoera ostiralean egingo badute ere, egun handia larunbatean izango da. Ikus egitaraua.
![](https://bidasoa.hitza.eus/site/files/2023/07/madalen-jaiak.jpg)
Txupinazoarekin eta koadroaren igoerarekin hasiko dira aurtengo Madalen auzoko jaiak. Ostiralean (hilak 21) izango da hori, arratsaldeko 19:00etan. Jaien egun handia, baina, larunbatean izango da. Egun osoko egitaraua prestatu dute, haur, gazte eta helduei zuzendurikoa.
Goizeko 11:00etan Portuko elizan Maria Madalena santuari eskainitako meza egingo dute. Arratsaldean 17:00etan hasiko dira haur jolasak Txiribueltaren eskutik. Marlaxka Xake Klubaren eskutik ere xakean jokatzeko aukera egongo da ere. 20:00etan bertaratutako guztiek txokolatadaz gozatzeko aukera izango dute. Azkenik, 22:00etatik aurrera DJ Alvarok herritarrak dantzan jarriko ditu 02:00ak arte.