XXXIV. Marrazki eta pintura lehiaketa, prest
Hilaren 25ean egingo da, sanpedro eta sanmartzial jaien egitarauaren barruan. 10:00etan hasiko da Junkal plazatxoan. Sari banaketa, aldiz, arratsaldean egingo da.
Irungo sanpedro eta sanmartzial jaiak gainean dira, eta prest dago jada Marrazki eta pintura lehiaketaren XXXIV. ekitaldia. Hilaren 25ean egingo da, igandea, Junkaleko plazatxoan. Eguraldi txarra egingo balu, lehiaketa Artaleku kiroldegira lekualdatuko dutela zehaztu dute antolatzaileek.
2008 eta 2019 urteen arten jaiotako gazteei bideratutako egitasmo bat da, eta gaia librea da. 10:00etatik 13:00era izango dute parte hartzaileek beren marrazkia sortzeko aukera. Sari banaketa, aldiz, arratsaldean izango da, 17:00etan hasiko den Maite Frankok bideratuko ipuin kontalariaren ondoren.
