Lapitze-Elitxun jaso dira boza gehien
Publiko egin dituzte auzoz auzoko 2023ko udal hauteskundeetako bozen datuak.
Irungo hamalau auzoetan alderdi bakoitzak zenbat boz jaso dituen argitara ematen duen taula publikatu du Irungo Udalak. Guztira,25.567 irundarrek bozkatu zuten atzo. Hamalau auzo horietako hamabitan PSE-EEk irabazi zuen, eta EAJk bitan (Alde Zaharra eta Santiago).
Atzoko hauteskundeak, bozetan, PSE-EEk irabazi zituen eta horiek, batik bat, Elitxu-Lapitzen jaso dituzte (1.162) auzoz auzoko analisia egiten bada. EAJ da berriz ere Irungo bigarren indarra, eta boz gehien jaso dituen auzoa Anaka izan da (688).
Hirugarren indar bilakatu da EH Bildu, eta boz gehien Arbesen zenbatu ziren (644). PPk goraka izan du ere bai, eta laugarren indar izatea partekatuko du Elkarrekin-Podemos-Ezker Anitza-Aliantza Berdearekin. Popularrak erdigunean babestu zituzten nagusiki (325) eta koalizio moreak Elitxu-Lapitzen bildu zuen babes gehien (342).
Voxek Elitxu-Lapitzen izan du babes handiena (171) eta sortu berri den IZAIA alderdiak, aldiz, erdigunean (229).
