Bidasoa eskualdeko paisaiara hurbiltzeko pintura ikastaroa
Marraztea eta naturan egotea gustuko dutenek egun bateko ikastaro batez gozatzeko aukera izango dute. Ez da aurretiazko esperientziarik behar.
Marrazketa eta Pintura Udal Akademia. Irungo Marrazketa eta Pintura Udal Akademiak aire zabaleko pintura ikastaroa antolatu du maiatzaren 6rako (larunbata da). Lau orduko saio baten bidez Bidasoa eskualdeko paisaian murgilduko dira parte hartzaileak, aire zabalaz gozatzen duten bitartean.
Olio-pintura, akuarela, arkatzak eta beste hainbat material eta teknika landuko dituzte, eta datozen hilabeteetarako lanen abiapuntua zehazteko baliatuko dute ikastaroa.
Ikastaroa goizeko 10:00etatik 14:00etara izango da. Taldeak gutxienez bost lagunekoa izan beharko du, eta gehienez, hamabostekoa. Prezioa 21,6 eurokoa da.
Izen ematea hilaren 26an zabaldu zen eta maiatzaren 3ra bitarte egin ahal izango da HAZ bulegoan, posta elektroniko bidez, eta hurrengo telefono zenbakietan (60622417/695752994). Edonork parte hartu dezake, ez baita marrazketan aurretiako esperientziarik behar.
