'Casila revolucionaria' komikia aurkeztuko dute Lakaxita Gaztetxean
Ruben Uceda komikiaren egilea gerturatuko da maiatzaren 4ean Irungo gaztetxean egingo duten aurkezpenean.
Erletxek antolatuta datorren maiatzaren 4ean Casilda revolucionaria liburua aurkeztuko du bere egilea den Ruben Ucedak. Aurkezpenaren ordua 19:00etan finkatu dute.
Liburuak Casilda Hernandez zizurkildar anarkista eta feminista du protagonista eta komikiaren deskripzioan jaso dutenez “suzko emakumea zen, itzaltzen ez zena. Amesteari utzi ez zion borrokalaria ere bazen”.
David Mateos Mateolika musika taldeko kidea eta kantautorea ere bertan izango dela aurreratu dute. Hori nahikoa ez eta mokadutxo bat jateko aukera eta girotzeko musika ere izango dira.
