Emakumeei begirako bizikleta tailer bat antolatu dute
Bidasoa Bizikletaz egitasmoaren barruko jarduera da, apirilaren 4an egingo dena. Bizikletaren autokonponketa ikastaro bat egin eta bertatik kalera irtengo dira, bide publikoan zirkulatzeko.
Balazta, Badoa eta Recycl’Arte elkarteek Bidasoa Bizikletaz proiektua abiatu zuten otsailean, hiriko bizikletaren erabilera bultzatzeko eta sustatzeko xedearekin. Egitasmo horren barruan hainbat ekitaldi eta tailer antolatu dituzte, otsailetik ekainera.
Tailer horietako bat hurrengo asteartean egingo da, apirilak 4, 16:00etatik 20:00etara, Balaztaren egoitzan. Emakumeei zuzendutako bizikleta ikastaro bat da. Bizikletaren autokonponketa tailer bat egingo da, eta bertatik kalera irtengo dira, bide publikoan zirkulatzeko.
Izen-emateak irekita daude, eta bi modutara egin daitezke: helbide elektroniko bidez edo sare sozialetara mezu pribatua bidalita.
