Lekualdatu egingo dute San Juango taxi geltokia bi hilabetez
Jenaro Etxeandia plazatxoko obrek iraun bitartean Luis Marianoko taxi geltokira mugiaraziko dituzte taxiak.
Datorren astelehenetik aurrera (martxoak 20) Luis Marianoko geltokira lekualdatuko da San Juan plazako taxi geltokia, eta ostiral eta larunbat gauetan 23:00etatik 06:30etara arteko zerbitzua Fermin Calbetoneko autobus-geltokitik egingo da.
Lanek aurrera egin ahala, espazio horiek lehengo egoerara itzuliko direla jakinarazi du Irungo Udalak, “gutxi gorabehera bi hilabete barru”. Jenaro Etxeandia plazatxo obren eraginagatik lekualdatu dute behin behingoz taxi-geltokia.
