[Bideoa] Borrokan segitzeko mezua eman du Asun Casasolak
"Izendatzen ez dena ez da existitzen eta Nagore izendatzen segitzen dugu" adierazi zuen Casasolak esker mezuen artean.
![](https://bidasoa.hitza.eus/site/files/2023/03/dsc04197.jpg)
Indarkeria matxistari literaturaren bitartez ere egin daiteke aurre. Edo behintzat hausnartzera eramateko bide bat da. Zortzigarren urtez antolatu dute Asun Casasola ipuin lehiaketa eta esan daiteke bere izaerari eutsi diola: gertukoa eta hunkigarria.
Gertukoarenak baditu bere ertzak ere, aurten Irun ez den beste jatorri askotariko lekuetatik bidali dituztelako 370 ipuinetatik batzuk. Kilometroak egiten ditu, bada, ipuin lehiaketa xume zein indartsu honek.
Sari banaketa ekitaldiaren aurkezleak izan ziren Joana Otxoteko eta Nerea Sarriegi kazetariak. “Ipuin lehiaketa honen helburu nagusia da Asun Casasolaren borroka eta kemenari omenaldia egitea. Aurten 15 urte beteko dira Nagore Laffage erail zutenetik eta denbora honetan Asun pertsona askorentzat eredu izan da, eredu izaten jarraitzen du eta Asun da baita lehiaketa hau bizirik jarraitzearen arrazoi nagusia ere” adierazi zuen Sarriegik.
Saridunak oholtza gainera joan ziren igotzen Maria Jose Atienza, Ander Arzak, Mikel Gartzia eta MariaLui Garcia kazetariek ipuin irabazleak irakurri eta gero. Musikaren arduraduna izan zen Maite Elizondo. Irabazleak honako hauek izan ziren:
- Helduen kategoria euskaraz.
- Joserra Lopez Rozas (Hendaia, Euskal Herria).
- Helduen kategoria gaztelaniaz.
Isabel Perez Gonzalez (Madril, Espainia). - Gazteen kategoria euskaraz.
- Julene Bernal Irastorza (Errenteria, Euskal Herria).
- Gazteen kategoria gaztelaniaz.
Kendy Gleisy Benito Vidalon (Lima, Peru).