Espainiako Txapelketan ordezkaritza izan du Santiagotarrakek
Etxeko taldea eta Euskadi ordezkatu zuten pasa den asteburuan bidasoarrek. Ur bizitako arraunlarien txanda da asteburu honetakoa.
Irati Laguardia, Maitane Zapirain, Ane Calvo eta Elaia Saenz. Aulki mugikorreko Santiagotarrak taldeko arraunlariak luzera distantziako Espainiako Txapelketan izan ziren pasa den hilaren 18an. Galiziako Castrelo do Miñoko urtegian egin zen 6.000 metroko lehiaketa.
Irungo taldeko zazpi arraunlari izan ziren Galizian, bost ontzietan banatuta. Hauek dira lortutako emaitzak:
- Aitzpea Gonzalez laugarren izan zen skiff absolutuan.
- Irati Laguardia eta Maitane Zapirain seigarren izan ziren lemazainik gabeko bikoan.
- Ane Calvo eta Elaia Saenz hamahirugarren geratu ziren lemazainik gabeko biko ontzian.
- Xabier Etxebeste hamargarren izan zen gazteen skiffean.
- Julene Bengoetxea hogei eta batgarren geratu zen gazte skiff kategorian.
Santiagotarrak ordezkatzeaz gain, Euskadi ordezkatu zuten ere etxeko arraunlariek. Zilarrezko domina bat eta brontzezko bi lortu zituzten EAE-ren izenean.
- Irati Laguardia, Maitane Zapirain, Ane Calvo eta Elaia Saenzek lemazainik gabeko laukoa osatu zuten eta bigarren postua bereganatzea lortu zuten.
- Irati Laguardia, Maitane Zapirain, Ane Calvo eta Julene Bengoetxeak lemazainarekin zortziko ontzian aritu ziren eta hirugarren postua izan zen beraientzat.
- Aitzpea Gonzalez lauko ontzian aritu zen lemazainik gabe eta hirugarren sailkatu zen laukotea.
Hurrengo hitzordua martxoaren 12an dute, Legution.
Asteburu honetako lehiak
Ur bizitako piraguistak denboraldiko lehenengo Espainiako Kopan aritzera joango dira Portugalgo Covas herrira. Larunbat eta igandean atera beharko dituzte ontziak, 09:00etan hasiko dira. Bertan, Santiagotarrak taldeko hemezortzi kirolari izango dira.
