Guadalupeko Ama Birjina ezagutzeko aukera
Ezagutu zure hiria programaren barruan Guadalupeko Ama Birjina gertutik ezagutzeko hitzaldi zein bisita gidatuak antolatu dituzte.
![](https://bidasoa.hitza.eus/site/files/2023/02/amabirjina.png)
Ezagutu zure hiria programaren barruan Guadalupeko Ama Birjinari buruzko ezezagunak eta ziurtasunak deituriko jardunaldiak antolatuko dituzte.
Lehena martxoaren 3an izango da. Arratsaldeko 19:00etan Arma Plaza kultur eta turismo informazio gunean hitzaldi bat eskainiko du Maria Teresa Eloseguiren eskutik. Hitzaldia gaztelaniaz izango da.
Bigarrena martxoaren 4an izango da. 10:30etan Guadalupeko Santutegian bildu eta bisita gidatua eskainiko du Eloseguik. Bisita ere gaztelaniaz izango da.
Bietan parte hartzeko lekua erreserbatzea gomendatu dute Arma Plaza Fundaziotik. Bi jardunaldiak doakoak izango dira. Erreserbak mezu edo telefono bidez (943 64 36 77 edo 9436446 23) egin daitezke. Informazio gehigarria Arma Plazaren webgunean aurki daiteke.