42 traineruk parte hartuko dute Hondarribiko XXIII. Traineru Jaitsieran
Hondarribiko hondartzan izango da jaitsiera arratsaldeko 16:00etatik aurrera.
Argazkia: Josu Zelaiaran Uda urrun dago oraindik, baina Kantauri isurialdeko traineruak denboraldiko lehen sentsazioak hartzeko jaitsierak prestatzen ari dira. Larunbat honetan (hilak 25) Hondarribiko uretan izango dute hitzordua. 
Arratsaldeko 16:00etatik aurrera hasiko da lehia, beteranoen estropadarekin. Endaika B ontzia izango da lehena uretaratzen, gainontzekoak minutuz minutu irtengo dira.
Estropada eremua 1982 urtera arte Kontxako banderako kanporaketarako estropada jokatzeko erabiltzen zen berbera izango da. Hondartzatik irten eta itsaso zabalera irtengo dira. Emakumezkoek zein beteranoek 2 itsas mila burutu beharko dituzte, gizonezkoek, berriz, 3 itsas mila eta joan etorri bakarra.
42 traineruk parte hartuko dute guztira: 10 emakumeen traineruak izango dira, 20 gizonezkoenak eta 12 beteranoenak. Horien artean Eusko Label Ligako zazpi traineru egongo dira eta EuskoTren Ligako sei.
Parte hartzaileen zerrenda
Beteranoak (ordena honetan irtengo dira): Endaika B; Plentzia B; Bilbao B; Aizburua; Endaika A; Ibaialde; Bilbao A; Plentzia A; Zumaia; Mundaka; Badok 13 eta Fortuna.
Emakumezkoak (ordena honetan irtengo dira): Hernani; Zarautz; Ondarroa; Zumaia; Hibaika; Tolosaldea; Donostiarra; Arraun Lagunak; Orio eta Hondarribia.
Gizonezkoak (ordena honetan irtengo dira): San Juan B; Donostiarra B; Mutriku; Hibaika; Orio B; Lapurdi, Busturildea; Zumaia; Hondarribia B; Zarautz; San Juan A; Arkote; San Pedro; Isuntza; Ondarroa; Zierbena; Getaria; Orio A; Donostiarra A eta Hondarribia A.
