Pazko asteko errugbi ludotekan izena eman daiteke jada
Azken Portuko kiroldegian eskainiko dute ludoteka goizero, 8 eta 13 urte bitarteko haur eta gazteei.
Pazko astean egin ohi duten ludoteken edizio berri bat egingo dutela jakinarazi du klubak. Apirilaren 11tik 14era egingo da, 8 eta 13 urte bitarteko haurrei zuzendutakoa da, eta aisi ekintzak dira egingo dituztenak.
Azken Portu kiroldegian elkartzen dira goizeko 09:00etan, eta 13:00ak arte egoten dira bertan. Egun guztietan parte hartzeko prezioa 50 eurokoa izango da, baina egun bakanetan izena eman nahi izanez gero, 15 eurokoa da eguneko prezioa.
Informazio osoa eta izen-emateak esteka honetan aurki daiteke.
Asteburuko jardunaldia
Segidako hirugarren garaipenaren bila joango da larunbat honetan, 10:00etan, Txingudi-Uribealdea. Partida Gernika-Arratiko Zekorrak taldearen aurka izango da, eta bizkaitarrak bigarren dira sailkapenean, 6 puntuko aldearekin Txingudiko taldeari.
