Pazko asteko ludoteka prest du Txingudi Errugbi Taldeak
Apirilaren 11tik 14ra izango da, eta izen-emateak irekita daude jada. Kirol arloan, 18 urtez azpiko taldea izango da asteburuan zelairatuko den bakarra.
![](https://bidasoa.hitza.eus/site/files/2023/02/captura-de-pantalla-2023-02-22-a-las-13-58-17.png)
Partida bakarra jokatuko dute Txingudi Errugbiko taldeek asteburu honetan. 18 urtez azpiko taldea izango da zelairatuko den bakarra. Gernikan jokatuko dute, Gernika-Arratiko taldearen aurka, 10:00etan. Txingudi-Uribealdeako gazteak azken asteetan izan dituzten sentsazio onei jarraipena ematen ahaleginduko dira, hirugarren garaipena jarraian lortzeko.
Gernika-Arratiko sailkapeneko bigarren postuan da eta hirugarren den Txingudi-Uribealdeak baino sei puntu gehiago ditu. Bi taldeek Gernikan jokatu zuten azken neurketan, etxekoak nagusitasunez menperatu zuten Txingudi (46-0).
Pazko astean, ludoteka
Kirol kontuez gain, Pazko asteko oporraldiko ludoteka prest duela iragarri du klubak. Apirilaren 11tik 14ra, asteartetik ostiralera, 8 eta 13 urte bitarteko haurrei zuzendutako kirol eta aisia jarduerak eskainiko dira Azken Portuko kiroldegian, 09:00etatik 13:00era. Egun guztietan parte hartzeko prezioa 50 eurokoa da, baina egun solteetan izena emateko aukera ere egongo dela jakinarazi du Txingudi Errugbi Taldeak, eguneko 15 euroko prezioan. Izen-emateak irekita daude jada.
Ludotekako programaren xehetasunak eta izen-emateen inguruko informazioa Txingudi Errugbi Taldearen webgunean kontsulta daitezke.