Galdetegi bat zabaldu dute bizilagunen iritziak jasotzeko, online edota presentzialki bete daiteke aste honetan zehar.
Larreaundiko auzo elkarteak hilabeteak daramatza auzo plan bat garatzen, eta horretarako bizilagunekin hainbat bilera egin dituzte. Ekipamenduen, mugikortasunaren edota gertuko zerbitzuen inguruko hainbat proposamen jaso dituzte prozesu horretan.
Orain arte parte hartu duten bizilagunez gain, ahalik eta auzotar gehienen iritziak bildu nahi dituzte,
online galdetegi baten bitartez. Astebete izango dute zabalik galdetegia, eta ixterakoan jakinarazi egingo dute jasotakoa, auzo planak babes zabala lortze aldera.
Interneterako sarbidea ez dutenentzat paperean galdetegia betetzeko aukera izango dela azaldu dute, auzo elkartera gerturatuta (Loiolako Enekoren karrika, 9).