Helduen eskolan aste honetan matrikula daiteke
Gaurtik ostirala bitarte da kanpaina. Ikasturte honetan Lanbide Heziketako Goi Gradura Sarbide Proben Prestakuntza ikasgaia eskaintzen hasiko dira.
Bidasoaldeko Helduen Heziketa Ikastetxean gaur hasi dute matrikulazio kanpaina, eta otsailaren 3ra arte iraungo du. Horretarako, ikastetxera bertaratu daiteke (Olaberria, 8 zenbakia), edota lotura honen bidez egin.
Ikasgaien eskaintza oso zabala da, eta ikasturte honetan, gainera, Lanbide Heziketako Goi Gradura Sarbide Proben Prestakuntza deiturikoa jarriko dute martxan. Honako hauek dira lantzen dituzten gaiak:
- Hasierako ikaskuntzak I eta II.
- Bigarren Hezkuntzako Graduatua. (DBH)
- Gaztelania atzerritarrentzat.
- Nazionalitatea.
- Unibertsitaterako Sarbide Proben Prestakuntza.
- Lanbide Heziketako Goi Gradura Sarbide Proben Prestakuntza.
- Hizkuntzak (Euskara, Frantsesa eta Ingelesa).
