San Telmo gazteluak lehendakariaren bisita jaso du
San Telmo gaztelua herritarren eskura dago egun, eta etorkizunean hala jarraitzeko ahaleginari eutsiko diotela berrestu du Iñigo Urkullu Lehendakariak.
Gaur goizean Iñigo Urkullu Lehendakaria eta Bingen Zupiria Kultura eta Hizkuntza Politikako sailburu eta Jaurlaritzako bozeramailea Hondarribiko udaleko alkate eta zinegotziekin. Gaur goizean Iñigo Urkullu lehendakaria eta Bingen Zupiria Kultura eta Hizkuntza Politikako sailburu eta Jaurlaritzako bozeramailea Hondarribian izan dira. 10:00etan puntuan heldu dira San Telmo gaztelura. Txomin Sagarzazu Hondarribiko alkatearen eta udaleko zenbait zinegotziren laguntzarekin monumentu historikoak ezkutatzen dituen sekretuak ezagutu dituzte. Bisita egin ondoren gazteluaren kanpoaldeko patioan hitz batzuk esan ditu lehendakariak.
Euskal erakundeentzat «ondare kulturala kontserbatzeko modurik onena hori partekatzea» dela, eta kultura ondarea zaintzeak “iraganarekiko jakinmina eta maitasuna” adierazten duela ziurtatu du lehendakariak, bai eta etorkizunerako ardura ere. Horregatik, “hemen egin bezala adostasuna bilatuz” herri ondarea herritarren eskura jartzeko ahaleginari eutsiko diotela berretsi du Urkulluk. (2022ko otsailaren 22an udalbatzan aho batez San Telmo gaztelua erostea onartu zuten bezala).
Gaztelua herritarrei zabaldu zitzaien egunetik (abenduaren 17tik) 875 pertsonek bisitatu dute, eta %75 hondarribiarrak izan dira gainera. Aurki, plangintzaren bigarren urratsari ekingo diote: herritarrei etorkizuneko erabilerari buruzko galdeketa bat egiteari.
