Irungo Kirolaren Omenezko sariak baditu hautagaitzak
Emakume, gizon eta klub onenari aitortza egiteaz gain, Irundarron saria nori eman hautatzeko bozketa martxan jarriko da laster, otsailaren 10era arte.
Urtero lez Irungo Kirolaren Omenezko saria banatuko dituzte udalak eta herritarrek, otsailaren 15ean, 19:00etan, Ficoban. Saridunak bozkatzeko udalaren webgunera joan behar da eta bozka urtarrilaren 30etik otsaila 10era bitarte eman beharko da.
Hiru garaikur izango dira banatuko dituztenak: gizonezko kirolaririk onenari; emakumezko kirolari onenari; eta kirol klubik onenari. Bestetik, Irundarron saria ere emango dute, herritarrek bozka bidez hautatutako kirolari bati.
Sari banaketa ekitaldia “kirolaren jaialdia” izateko asmoarekin antolatu dutela azaldu du Borja Olazabal Kirol zinegotziak: “Ekitaldian aintzatespen eta aipamen bereziren bat edo beste egingo da, eta ikuskizun artistiko-musikal bikain bat ere eskainiko da. Nabarmentzekoa da txokolatezko baloia ere entregatuko dela, ohorezko sari gisa”.
Honako hauek dira saria irabazteko izendatu dituzten kirolari profesionalak:
Gizonezko kirolaririk onenera hautagaitzak:
- Eki Fanlo. Modalitatea: errugbia. 2022ko merezimenduak: nazioarteko epailea munduko txapelketan.
- Iñaki Peciña. Modalitatea: eskubaloia. 2022ko merezimenduak: zilarra Europako eskubaloi txapelketan.
- Iñaki Cavero. Modalitatea: eskubaloia. 2022ko merezimenduak: Asobaleko denboraldirik onena eta Asobaleko 7ko onenerako nominazioa.
- Sergio Francisco. Modalitatea: futbola. 2022ko merezimenduak: Real C-ko entrenatzailea taldea mailaz igo den urtean eta Sanse-Real Bko entrenatzaile izendatzea.
- Dario Cerezal. Modalitatea: kulturismoa. 2022ko merezimenduak: kulturismo naturalaren munduko txapelduna.
- Sebas Martinez, Ander Montserrat eta Unai Sagarzazu. Modalitatea: trinketa. 2022ko merezimenduak: zilarra munduko txapelketan.
- Alex Zuzaya. Modalitatea: motoziklismoa. 2022ko merezimenduak: Montmeló-ko 24 orduen txapelduna motorretan.
- Ander Gamon. Modalitatea: automobilismoa. 2022ko merezimenduak: turismo klasikoetako txapelduna.
- Unai Amiano. Modalitatea: esku pilota. 2022ko merezimenduak: DV lehiaketako txapelduna.
Emakumezko kirolaririk onenera hautagaitzak:
- Alba Rodriguez. Modalitatea: borroka. 2022ko merezimenduak: Espainiako 20 urtetik beherako txapelduna bi aldiz eta zilarrezko eta brontzezko domina 20 urtetik beherako munduko txapelketan
- Eider Tapia. Modalitatea: eskubaloia. 2022ko merezimenduak: debuta Bera Berarekin ohorezko mailan eta eskubaloiko junior selekziorako deitua.
- Leire Baños. Modalitatea: futbola. 2022ko merezimenduak: denboraldi aparta Levante CFn.
- Aitzpea Gonzalez eta Naroa Zubimendi. Modalitatea: piraguismoa. 2022ko merezimenduak: Espainiako binakako lemazainik gabeko distantzia luzeko txapeldunak.
- Irati Beorlegi. Modalitatea: oztopo-lasterketak. 2022ko merezimenduak: Espainiako OCR txapelduna.
- Nerea Garcia. Modalitatea: piraguismoa. 2022ko merezimenduak: 23 urtetik beherakoen munduko txapelketako finalista.
- Maialen Ramos. Modalitatea: judoa. 2022ko merezimenduak: Espainiako 70 kg azpiko txapelduna.
- Klara Olazabal. Modalitatea: piraguismoa. 2022ko merezimenduak: domina ur- amiletako Espainiako txapelketan eta Munduko txapelketan parte hartzea.
Kirol klubik onenari sarirako hautagaitzak:
- Real Union SAD. Modalitatea: futbola. 2022ko merezimenduak: partaidetza handia Errege Kopan.
- Irungo Txirrindulari Elkartea. Modalitatea: txirrindularitza. 2022ko merezimenduak: kirola sustatzeko lana.
- Bidasoa Atletiko Taldea. Modalitatea: atletismoa. 2022ko merezimenduak: kirola sustatzeko lana eta emakumeen zein gizonen taldeek helburuak lortu izana.
- Leka-Enea Mahai-tenisa. Gizonezkoen eta emakumezkoen taldeak elitean eta kontinenteko txapelketa nagusian parte hartzea.
- CD Bidasoa Irun. Gizonezkoen taldea maila gorenean eta EHF European Leaguen parte hartzea
