Sasoian daudela erakutsi dute BATeko atletek asteburuan
Hamar domina baino gehiago eta marka pertsonal asko hobetu dituzte BATeko kirolariek asteburuan izan den Euskadiko txapelketan.
Alaine Agerralde Euskadiko Txapelketan. Forma onean daudela erakutsi dute beste asteburu batez Bidasoa Atletiko Taldeko kideek, hamar domina baino gehiago ekarri dituztelako etxera Euskadiko txapelketatik. Horrez gain, marka pertsonalak ere hobetu dituzte batzuek.
Urrezko dominak:
- Iker Arozena. Bere bigarren marka hoberena egin zuen 7,59 metroko jauziarekin. Euskadiko luzerako jauziko urrea bereganatu zuen.
- Aritz Leonet. 1.500 metroko lasterketa egin zuen 4:05 minututan.
- Ander Anglada. 800 metroko lasterketan egin zuen korri eta garailea izan zen 1:53,61 denborarekin.
Zilarrezko dominak:
- Eunate Martinez. Altura jauzian aritu zen eta 1,70 metroko marka egin zuen.
- Laia Olaskoaga. 60m lisoetan aritu zen eta 7,88 segundoko denbora egin zuen.
- Goizane Garcia. Bere marka pertsonala hobetu zuen 11,8 metro bota baitzuen bola.
Brontzezko dominak:
- Mario Estanga. Pertika jauzian 4,40 metro egin zituen.
- Beñat Mikelarena. 400 metro lisoetan aritu zen eta 49,60 segundoko denbora izan zen berea.
- Malen Martinez. 60 metro egin zituen korri hesi lasterketan eta 9,15 segundoko denbora behar izan zuen.
- Malen Orduña. Pertikarekin 3,80 metroak gainditu zituen.
- Mikel Agirrebeña. Iraupen lasterkariak 3000 metrotan aritu zen eta 8:44 minutuko marka izan zen berea.
Badira BATeko zenbait kide ez zutenak domina lortu baina bestelako sari garrantzitsu bat irabazi zutenak: haien marka hobetzea. Klubak adierazi du garrantzitsua dela taldearentzat aurrerapen horiek aintzat hartzea. Honako hauek izan ziren protagonista horiek:
- Naia Llorente. 16 azpiko kategorian lehiatu zen eta Espainiako txapelketan parte hartzeko gutxieneko marka gainditu zuen 1,55 metro eginda.
- Jon Matey. 1,90 metroko jauzia egin zuen.
- Alazne Garrido. 400 metro egin zuen lasterka, 58,24 segundotan.
- Ioritz Labandibar. 400 metroko lasterketan bere marka hobetu zuen, 50,45 segundotan.
- Alaine Agerralde. 18 urte azpiko kategorian 400m egin zituen 59,04 segundotan.
- Elaia Tapia. 5,27 luzera jauzia egin zuen bere marka hobetuz.
- Izaskun Sanz. Lehen aldiz lehiatu zen 1500 metro egiten eta 4:52 minutu behar izan zituen.
- Ana Gomez. Bina laugarren postu izan ziren berarentzat: 200 metrotan 25,89 segundorekin; 60 metrotan 7,96 segundotan.
Euskadiko txapelketatik kanpo emaitza ikaragarriak izan dira BATenak:
- Blanca Garcia. Xabalinarekin denboraldiko bere marka hoberena egin zuen Cosladan, 41,93 metro bota baitzuen.
- Erik Fernandez. 200 metro egiteko 22 segundo baliatu zituen Galizian.
- Aitor Fernandez. Klubeko errekorra gainditu zuen heptatloi kategorian 4.831 puntu bereganatuta eta 4,70 metro eginda pertikarekin.
- Olaia Becerril. AEBko Luisianako Unibertsitatean dabil entrenatzen eta luzerako jauzian 6 metro egin zituen.
Jaurtiketa libreak egiteko aukera ere izan zen EAEko txapelketan eta hainbat marka pertsonal hobetu zirela ere adierazi du Bidasoko klubak:
- Unax Eraso. Bere marka pertsonala hobetu zuen 49,09 metroko mailu-jaurtiketarekin.
- Uzuri Martiarena. Bere marka pertsonala hobetu zuen xabalina 31,13 metrotara botata.
- Oihana Amado. Xabalinarekin ere marka pertsonala hobetu zuen, 28,23 metroko distantzia eginez.
