Eguberrietan, jarduerak adinekoen lokaletan
Bi ikastaro antolatu dituzte hiriko adinekoentzako guneetan, biodantza eta idazmena jorratzen dutenak. Izen-emateak guneetan bertan egin behar dira.
Beste urtez batez, bueltan da Irungo Udalak antolatzen duen Gabonetan Gogoz programa. Egitasmo hori adinekoentzako hiriko lokaletan gauzatzen da, Eguberrietan adinekoentzako hiriko espazio sozialak animatzeko. Gizarte Ongizateko arloak antolatzen duen proiektuak adinekoentzako lokaletan zahartze aktiboa sustatzea eta estimulatzea du xede.
Datozen egunetan bi ikastaro egingo dira programaren barruan: Biodantza tailerra eta Eguberrietako idazmen tailerra. Biodantza ikastaroa martxan dago jada, Txiribuelta elkartearen eskutik, eta hiriko adinekoentzako espazio guztietan ordu eta laurdeneko bi saio egiten ari dira, gune bakoitzean 25 pertsonarekin. Lekaenean eta Luis Marianon egin dituzte bi saioak dagoeneko, eta Palmera Monteron, Belaskoenean eta Irason egin dute lehena. Honakoak dira tailerrak egiteke dauden guneak, beren egun eta ordutegiarekin:
- San Migel: Abenduak 22 eta urtarrilak 4, 17:00etan.
- Anaka-Puiana: Abenduak 23 eta 29, 17:00etan.
- Palmera Montero: Abenduak 26, 17:00etan.
- Behobia: Abenduak 27 eta urtarrilak 3, 17:00etan.
- Belaskoenea: Urtarrilak 2, 17:00etan.
- Iraso: Urtarrilak 4, 17:00etan.
Parte hartzeko, interesdunek adinekoentzako espazioetan eman beharko dute izena. Tailerraren helburua da gorputzaren mugimenduaren, musikaren, jolasaren eta erlaxazioaren bitartez, bakoitza nor den esperimentatzea eta bere buruarekin eta inguruarekin hobeto sentitzea.
Idazmen ikastaroa
Idazmen ikastaroari dagokionez, 30 lagunentzako lekua dago, eta saio bakarra egingo da: abenduaren 30ean, 17:30etik 19:15era, Palmera Monteron. Itziar Sistiagaren gidaritzapean, parte hartzaileek 2022ko bizipenei eta 2023rako dituzten proiektu eta ametsei buruz hitz egingo dute. Tailerra dinamikoa izango da eta idatzitakoa taldekideei irakurriko diete. Parte hartu nahi dutenek adinekoentzako espazioetan eman behar dute izena.
