Bost ildo landuko ditu Irungo EH Bilduk 2023ko aurrekontuetan
Energia eta jasangarritasunean, justizia sozialean, berdintasunean, kirolean eta euskaran jarriko dute arreta koalizioko kideek.
Udal gobernuak aurkeztutako 2023ko aurrekontuak direla eta, Irungo EH Bilduk jakinarazi du bost negoziazio ildo jorratuko dituela. Honakoak dira ildo horiek:
1. Energia eta jasangarritasuna:
- Pobrezia energetikoaren kontrako neurriak.
- Autokontsumoa bultzatzeko neurriak.
- Energia berdearen tokiko agentziaren sorrera.
- Mugikortasuna.
2. Justizia soziala:
- Ongizatea.
- Autozaintza.
3. Berdintasuna:
- Alardea.
- Genero perspektiba kirolean.
4. Kirola:
- Hirugarren kiroldegia.
- Plaiaundiko instalazioetako hobekuntzak.
- Mugazgaindiko txapelketa.
5. Euskara:
- Euskara eta haurren aisia.
- Euskara kirol hizkuntza.
Negoziazio ildo horiek euren “politikaren ardatzak” berresteko zehaztu dituztela azaldu du Irungo koalizio abertzaleak: “Jakina denez, aurreko legegintzaldietan proposatu eta aztertutako eremuei jarraipena ematen ari gara. Argi dugu gure lehentasuna eta irizpide nagusia irundarren beharren neurrira egokituta dauden proposamenak plazaratzea izango dela. Horretarako, proiektu bideragarriak gauzatzeko, esku artean ditugun baliabide eta lantresna guztiak erabiliko ditugu”.
