Azaroaren 25eko Irungo Udalaren adierazpen instituzionala
Emakumeen eskubidea aldarrikatu dute eta espazio publikoa berdintasun baldintzetan erabiltzeko bermea adierazi. Bihar elkarretaratzea deitu dute 12:00etarako.
Azaroak 25 Irungo Udalak adierazpen instituzionala kaleratu du biharko eguna kari, Indarkeria Matxistaren Aurkako Nazioarteko Eguna. Emakumeen eskubidea aldarrikatu dute eta espazio publikoa berdintasun baldintzetan erabiltzeko bermea adierazi dute.
Emakume askok aurrerapenak lortu dituztela aitortu dute, “banaka egindako ahalegin tematiaren bidez; bai eta mugimendu feministek eta beste erakunde batzuek egindako lanaren bidez ere”.
Espazio publikoak eta pribatuak gizonen eta emakumeen artean banatzeko dikotomia gainditzeko borroka aitortu du udalak. “Hala ere, bi aldeen arteko desberdintasuna agerikoa da oraindik, batzuek eta besteek bizitza publikoan parte hartzeko izan dezaketen erabileran, bai eta gure hirietako eta herrietako kaleez gozatzeko eta haiez jabetzeko orduan ere”.
Diskurtsoa sexu indarkerian zentratu dute, berdintasunaren erabilera murrizteko mekanismo gisa. “Izan ere, mundu osoko emakumeak eta neskatilak espazio publikoan sufritzen ari dira”.
Bihar elkarretaratzea deitu du San Juan plazan udalak, 12:00etan. Adierazpena osorik irakurtzeko, jo lotura honetara.
