Ara! Gorputz elkarteak hitzaldi-tailerra eskainiko du ostegunean
Hitzaldiaz gain, 'Nolako Txanogorritxo nahi duzu?' haurrentzako tailerra ere antolatu dute ostiralerako Zuloaga Etxean.
![](https://bidasoa.hitza.eus/site/files/2022/11/txanogorritxo.jpg)
Aste honetan bi hitzordu izango dute hondarribiarrek Hondarribiko Udal Liburutegian. Lehena ostegunean 17:30ean izango da. Ara! Gorputz elkarteak ‘Hilero gorritzen’ hitzaldi-tailerra eskainiko du. Zikloaren inguruan mintzatuko dira Ione Fernandez eta Enara Iruretagoiena eta informazioa eskaini bitartean tailer bat egingo dute. 8-12 urte bitarteko gazteentzako zikloa da (elkartearen gomendioa) eta familiek ere bertan egoteko aukera izango dute. Garbiñe Ubeda arituko da aurkezle lanetan.
Bigarren hitzordua ostiralean izango da, hau ere 17:30ean. Ainara Oskozek ‘Nolako Txanogorritxo nahi duzu?’ tailerra eskainiko du.