[Bideoa] Olagarro eta Klink elkarteek arraunlariak omendu dituzte
Beste urte batez arraunlari gazteekiko konpromiso eta babesa berretsi zuten Olagarro eta Klink elkarteek.
Olagaro elkartean egin zieten omenaldia. Asteburu honetan Klink elkartean jaso zuten omenaldia B ontziko eta Emakumeen ontziko arraunlariek. Bazkaltzen hasi aurretik hitz batzuk eskaini zituzten elkarteko kideek, eta beste urte batez, arraunlari gazteekiko konpromiso eta babesa berretsi zuten. Arraunlariek bakailao kroketak, tomate entsalada, legatza, saiheskia, eta postre goxo batez gozatu ahal izan zuten.
Arraunlariak Klink elkartean.
Urriaren 22an, berriz, egun osoko omenaldia jaso zuten Hondarribia Arraun Elkarteko Emakumeek. 12:00etatik 13:00etara Scooby Banden kontzertua izan zuten, Itxaropena tabernaren ondoko plazan. Talde gazteak dantzan jarri zuen San Pedro kalea. Ondoren 14:00etan, Olagarro elkartean, Axalian dendarekin elkarlanean, opari bana banatu zieten arraunlariei: harri batean eskuz margoturiko arraunlari bat. Arraunlariek ere, detailetxo eman zieten Olagarro elkarteko kideei (ETE Ligako zapi bat enmarkatuta), urteroko babesa eskertzeko. Ondoren bazkari goxo batez gozatu ahal izan zuten: txipiroi marmitakoa eta oilasko bularkia kurri erara.
Laster entrenatzera bueltatuko dira arraunlariak, baina, bitartean, herriko elkarteen keinuez gozatu ahal izan zuten.
