Atzegik kanpaina berria aurkeztuko du gaur Zabaltza plazan
Atzegiren sentsibilizazio kanpainaren helburua adimen desgaitasuna duten pertsonek modu independentean bizitzeko duten eskubidea aldarrikatzea da.
![](https://bidasoa.hitza.eus/site/files/2022/10/atzegi-kanpaina-pasaia.jpeg)
Atzegik, Gipuzkoan adimen desgaitasuna duten pertsonen aldeko erakundeak, sentsibilizazio kanpaina berria aurkeztuko du gaur Irungo Zabaltza plazan, 17:30ean. Aurtengo kanpainaren helburua adimen desgaitasuna duten pertsonek modu independentean bizitzeko duten eskubidea aldarrikatzea da. Kanpainaren nondik-norakoak eta xehetasunak azaltzeaz gain, kartelen, sortutako bideoen eta ekitaldien berri emango dute elkarteko kideek.